ფორუმი საქართველოს იუსტიციის მინისტრის მოადგილემ, თამარ ზოდელავამ და კორეის რესპუბლიკის შინაგან საქმეთა და უსაფრთხოების სამინისტროს ხელოვნური ინტელექტის სფეროში მთავრობათაშორისი თანამშრომლობის მიმართულების დირექტორმა, ჰაისუნ ჩოიმ გახსნეს.თამარ ზოდელავამ ყურადღება გაამახვილა საჯარო სექტორში ხელოვნური ინტელექტის პასუხისმგებლიანი და უსაფრთხო გამოყენების მნიშვნელობაზე, განსაკუთრებით იმ პირობებში, როდესაც ტექნოლოგიები სულ უფრო მეტად ცვლის სახელმწიფო სერვისების მიწოდებისა და მოქალაქეებთან ურთიერთობის პროცესებს. მისი განცხადებით, ხელოვნური ინტელექტის განვითარებასთან ერთად მნიშვნელოვანია შესაბამისი სამართლებრივი და ინსტიტუციური მექანიზმების შექმნა, რაც ტექნოლოგიურ განვითარებას ადამიანის უფლებების დაცვასთან, გამჭვირვალობასა და მოქალაქეზე ორიენტირებულ მიდგომასთან დააბალანსებს.მინისტრის მოადგილემ, ასევე, ხაზი გაუსვა საერთაშორისო თანამშრომლობისა და გამოცდილების გაზიარების მნიშვნელობას და აღნიშნა, რომ საქართველოსა და კორეის რესპუბლიკას შორის პარტნიორობის ფარგლებში შექმნილი ციფრული თანამშრომლობის ცენტრი ამ მიმართულების გაძლიერების მნიშვნელოვანი მექანიზმია.ღონისძიება საქართველოსა და კორეის რესპუბლიკას შორის სამთავრობო დონეზე თანამშრომლობის ფარგლებში ჩატარდა და მისი მთავარი მიზანია საჯარო მმართველობაში ხელოვნური ინტელექტის გამოყენების მიმართულებით გამოცდილების გაზიარება და ორმხრივი პარტნიორობის ახალი შესაძლებლობების განხილვა.ფორუმის მონაწილეებმა განიხილეს ხელოვნური ინტელექტის მმართველობის საკითხები საქართველოსა და კორეის რესპუბლიკის გამოცდილების გათვალისწინებით, ასევე, საჯარო სექტორში ხელოვნური ინტელექტის პრაქტიკული გამოყენების შესაძლებლობები. საუბარი შეეხო სანდო ციფრული ინფრასტრუქტურის განვითარებას, რომელიც უსაფრთხო და მასშტაბური, ხელოვნური ინტელექტით მხარდაჭერილი სახელმწიფო სერვისების შექმნის საფუძველია. მონაწილეებმა იმსჯელეს საჯარო სექტორში ხელოვნური ინტელექტის დანერგვასთან დაკავშირებულ გამოწვევებზე, მათ შორის, უსაფრთხოების, ანგარიშვალდებულების, შესაბამისი პოლიტიკისა და რეგულირების საკითხებზე; გამოკვეთეს ერთობლივი ინიციატივები.ფორუმი საქართველოს იუსტიციის სამინისტროსა და კორეის შინაგან საქმეთა და უსაფრთხოების სამინისტროს შორის გაფორმებული მემორანდუმის ფარგლებში გაიმართა და მასში საქართველოსა და კორეის რესპუბლიკის შესაბამისი სახელმწიფო უწყებების, ადგილობრივი ხელისუფლებისა და საჯარო სექტორთან დაკავშირებული ორგანიზაციების წარმომადგენლები მონაწილეობდნენ.

ციფრული მმართველობის სააგენტოს ხელმძღვანელობით, იუსტიციის სამინისტროს სისტემაში ხელოვნური ინტელექტის საკითხებზე სამუშაო ჯგუფმა შეხვედრა გამართამონაწილეებმა განიხილეს სამუშაო ჯგუფის კონცეფცია და სამოქმედო გეგმით განსაზღვრული ამოცანები, შეთანხმდნენ მუშაობის ძირითად პრინციპებზე და დაგეგმეს შემდგომი საქმიანობა.უწყებებს შორის თანამშრომლობის ფარგლებში გამოიკვეთა ის სერვისები და პროცესები, რომლებშიც ხელოვნური ინტელექტის გამოყენება მიზანშეწონილია. განსაკუთრებული ყურადღება დაეთმობა სამართლებრივ საკითხებს, ადამიანის უფლებების დაცვას, მონაცემთა დაცვასა და კიბერუსაფრთხოებას.სამუშაო ჯგუფის ფორმატში ასევე დაიგეგმება ღონისძიებები, რომლებიც ხელს შეუწყობს „ხელოვნური ინტელექტისა და ადამიანის უფლებების, დემოკრატიისა და სამართლის უზენაესობის შესახებ“ ევროპის საბჭოს ჩარჩო კონვენციის რატიფიკაციის პროცესს. კონვენციას ხელი საქართველოს იუსტიციის მინისტრმა 2024 წლის 5 სექტემბერს, ქ. ვილნიუსში, ევროპის საბჭოს იუსტიციის მინისტრთა კონფერენციის ფარგლებში მოაწერა.უწყებათაშორისი სამუშაო ჯგუფი ხელოვნური ინტელექტის საკითხებზე შეიქმნა, რომლის მიზანია სახელმწიფო სერვისებსა და ადმინისტრაციულ პროცესებში ხელოვნური ინტელექტის ეთიკური, უსაფრთხო და პასუხისმგებლიანი დანერგვისა და გამოყენების ხელშეწყობა. სამუშაო ჯგუფის საქმიანობა ასევე ეხმიანება ციფრული მმართველობის სტრატეგიით განსაზღვრულ მიზნებს, მათ შორის, ხელოვნური ინტელექტის საჯარო მმართველობაში დანერგვის მიმართულებას. პირველ შეხვედრაში იუსტიციის სამინისტროსა და მისი მმართველობის სფეროში მოქმედი უწყებების წარმომადგენლები მონაწილეობდნენ.

საქართველოსა დაკორეის რესპუბლიკას შორის ციფრული მმართველობის სფეროში თანამშრომლობის გაღრმავების მიზნით შექმნილი ციფრული მმართველობის თანამშრომლობის ცენტრი მუშაობას იწყებს.ცენტრის საქმიანობის დაწყებასთან დაკავშირებით, ციფრული მმართველობის სააგენტოში სამუშაო შეხვედრა გაიმართა, რომელსაც სააგენტოს თავმჯდომარე სანდრო ცირეკიძე, თავმჯდომარის მოადგილე ნინო გოზალიშვილი და ახლად შექმნილი ცენტრის თანათავმჯდომარე, კორეის რესპუბლიკის ეროვნული საინფორმაციო სააგენტოს (NIA) ინფორმაციული ტექნოლოგიების გლობალური თანამშრომლობის დეპარტამენტის აღმასრულებელი მენეჯერი კოჰტაეჯინი ესწრებოდნენ.ციფრული მმართველობის სფეროში თანამშრომლობის ცენტრი ორიქვეყნის გამოცდილებისა დაცოდნის გაზიარებას, ერთობლივი სამუშაო შეხვედრების, სემინარებისა დაფორუმების ორგანიზებას დაციფრული მმართველობის მიმართულებით ერთობლივი ინიციატივების განხორციელებას შეუწყობს ხელს.შეხვედრაზე მხარეებმა ცენტრის საქმიანობის ძირითადი მიმართულებები, სამომავლო გეგმები დასაქართველოსა დაკორეის რესპუბლიკას შორის ციფრული მმართველობის სფეროში თანამშრომლობის გაძლიერების შესაძლებლობები განიხილეს.სამუშაო შეხვედრის ფარგლებში კოჰტაეჯინმა ციფრული მმართველობის სააგენტოს სამუშაო სივრცე დაათვალიერა, გაეცნო სააგენტოს საქმიანობის ძირითად მიმართულებებს დათანამშრომლებს შეხვდა.ციფრული მმართველობის თანამშრომლობის ცენტრის შექმნის საფუძველი საქართველოს იუსტიციის სამინისტროსა დაკორეის რესპუბლიკის შინაგან საქმეთა დაუსაფრთხოების სამინისტროს შორის გაფორმებული მემორანდუმია, რომელსაც ხელი მიმდინარე წლის სექტემბერში პაატა სალიამ და იუნ ჰო-ჯუნმა მოაწერეს.მემორანდუმი ორქვეყანას შორის ციფრული მმართველობის სფეროში ცოდნისა დაგამოცდილების გაზიარების, თანამშრომლობის გაღრმავებისა დაერთობლივი ღონისძიებების განხორციელების შესაძლებლობებს ქმნის. მემორანდუმის ფარგლებში ასევე დაგეგმილია ელექტრონული სერვისების ერთიანი პორტალის - my.gov.ge-ს შემდგომი განვითარება.