ციფრული მმართველობის სააგენტომ საქართველოს ტექნიკური უნივერსიტეტის სტუდენტებისთვის კიბერუსაფრთხოების შესახებ საინფორმაციო შეხვედრა გამართა.ციფრული მმართველობის სააგენტო კიბერუსაფრთხოების ცნობიერების ამაღლების თვის ფარგლებში ახალგაზრდებში კიბერუსაფრთხოების შესახებ ცნობიერების ამაღლებაზე ორიენტირებულ საინფორმაციო შეხვედრებს აგრძელებს.სააგენტოს კიბერუსაფრთხოების დეპარტამენტის წარმომადგენლები საქართველოს ტექნიკური უნივერსიტეტის სტუდენტებს შეხვდნენ და მათ კიბერუსაფრთხოების ძირითად პრინციპებზე, ონლაინ სივრცეში უსაფრთხო ქცევის წესებზე, ყველაზე გავრცელებულ კიბერშეტევებსა და მათგან თავდაცვის ეფექტიან საშუალებებზე ინფორმაცია მიაწოდეს.შეხვედრის მიზანი თანამედროვე ციფრულ გარემოში არსებული საფრთხეების შესახებ ახალგაზრდების ინფორმირება და უსაფრთხო ციფრული ქცევის კულტურის ხელშეწყობა იყო.ოქტომბერი კიბერუსაფრთხოების თვეა და მთელი მსოფლიოს მასშტაბით, საჯარო და კერძო ორგანიზაციები ერთიანდებიან კიბერუსაფრთხოების შესახებ ცნობიერების ამაღლებისა და უფრო უსაფრთხო ციფრული გარემოს შექმნის მიზნით.ციფრული მმართველობის სააგენტო უერთდება ინიციატივას და კიბერუსაფრთხოების მიმართულებით საგანმანათლებლო ღონისძიებებსა და საინფორმაციო შეხვედრებს სხვადასხვა სამიზნე ჯგუფთან ატარებს, რათა ხელი შეუწყოს კიბერუსაფრთხოების საკითხებზე საზოგადოების ინფორმირებულობის ზრდას.

იუსტიციის მინისტრის მოადგილე თამარ ზოდელავა და ციფრული მმართველობის სააგენტოს თავმჯდომარე სანდრო ცირეკიძე პრემიერ-მინისტრის ინიციატივით განხორციელებული ანაზღაურებადი სტაჟირების სახელმწიფო პროგრამის ფარგლებში სააგენტოში შერჩეულ 26 სტაჟიორს შეხვდნენ.თამარ ზოდელავამ პროფესიული განვითარების საწყის ეტაპზე სტაჟირების მნიშვნელობაზე გაამახვილა ყურადღება. მისი თქმით, იუსტიციის სამინისტროსა და მის სისტემაში შემავალ უწყებებს მოქალაქეებისთვის მნიშვნელოვანი სახელმწიფო სერვისების მიწოდების პასუხისმგებლობა აქვთ, ხოლო ციფრული მმართველობის სააგენტოს განსაკუთრებული როლი აკისრია სერვისების გაციფრულებისა და ინფორმაციული და კიბერუსაფრთხოების მიმართულებით.მინისტრის მოადგილის თქმით, სტაჟირება ახალგაზრდებს საჯარო სამსახურის სპეციფიკის გაცნობის, კვალიფიკაციისა და პრაქტიკული გამოცდილების მიღების შესაძლებლობას აძლევს. აღნიშნა, რომ საჯარო უწყებაში მუშაობა მნიშვნელოვანი პასუხისმგებლობაა, რადგან ეს ქვეყნისა და საზოგადოების სამსახურს ნიშნავს.სააგენტოს თავმჯდომარემ სტაჟიორებს წარმატებები უსურვა და აღნიშნა, რომ სააგენტოს მნიშვნელოვანი მიზნები და მაღალი სტანდარტები აქვს, განსაკუთრებით იმის გათვალისწინებით, რომ იგი სენსიტიურ მონაცემებთან მუშაობს. სანდრო ცირეკიძემ ახალგაზრდებს მოუწოდა, აქტიურად ჩაერთონ სააგენტოს საქმიანობაში, მიიღონ ცოდნა და გამოცდილება და გუნდის სრულფასოვან წევრებად ჩამოყალიბდნენ.შეხვედრა ინტერაქტიულ ფორმატში გაიმართა. სტაჟიორებმა საკუთარი ხედვები, მოლოდინები და ინტერესები წარმოადგინეს და მათთვის საინტერესო საკითხებზე ისაუბრეს.ღონისძიებას ასევე ესწრებოდნენ თავმჯდომარის პირველი მოადგილე გუგა სოფრომაძე და სააგენტოს დეპარტამენტებისა და სამსახურების ხელმძღვანელები.იუსტიციის სამინისტროს სისტემის ფარგლებში სულ 189 სტაჟიორი შეირჩა.

ინფორმაციულ-საკომუნიკაციო ტექნოლოგიების სფეროში თანამშრომლობის დოკუმენტს ხელი იუსტიციის სამინისტროს სსიპ ციფრული მმართველობის სააგენტოს თავმჯდომარემ, სანდრო ცირეკიძემ და სს „ნიტექ“-ის სახელმწიფო სერვისების განვითარების მიმართულების საბჭოს თავმჯდომარის მოადგილემ, შინგის ორაზალიმოვმა მოაწერეს.მემორანდუმი ითვალისწინებს გამოცდილებისა და საუკეთესო პრაქტიკის გაზიარებას, ციფრული სახელმწიფო სერვისებისა და ტექნოლოგიური გადაწყვეტილებების განვითარებას, ასევე ერთობლივი ინიციატივების განხორციელებას. თანამშრომლობის ძირითადი მიმართულებებია სახელმწიფო სერვისების ციფრული ტრანსფორმაცია, ციფრული სერვისების განვითარება და სახელმწიფოსა და ბიზნესს შორის ეფექტიანი ციფრული ურთიერთქმედების გაძლიერება.სანდრო ცირეკიძემ, ასევე, მონაწილეობა მიიღო GovTech 3.0-ის ფარგლებში გამართულ დისკუსიაში, რომელიც სახელმწიფო მმართველობის ციფრულ ტრანსფორმაციას, თანამედროვე მთავრობის ტექნოლიგიურ მიდგომებსა და ამ მიმართულებით მიღწეულ შედეგებს დაეთმო.დისკუსიაში მასთან ერთად მონაწილეობდნენ ხელოვნური ინტელექტისა და ციფრული განვითარების პირველი ვიცე-მინისტრი; სს „ნიტექ“-ის სახელმწიფო სერვისების განვითარების მიმართულების საბჭოს თავმჯდომარის მოადგილე და ევრაზიის განვითარების ბანკის ციფრული ინიციატივების დირექტორატის მმართველი დირექტორი;პანელური დისკუსიის ფარგლებში სანდრო ცირეკიძემ ისაუბრა საქართველოში სახელმწიფო სერვისების ციფრული ტრანსფორმაციის მიმართულებით განხორციელებულ რეფორმებზე, მიღწეულ შედეგებსა და GovTech-ის განვითარების პროცესში საქართველოს გამოცდილებაზე.AI & Digital Bridge 2026 ასტანაში გაიმართა და საჯარო სექტორის, ტექნოლოგიური ინდუსტრიისა და საერთაშორისო ორგანიზაციების წარმომადგენლები გააერთიანა.