სიახლეები

ციფრული მმართველობის სააგენტომ ევროკავშირსა და ნატოში საქართველოს გაწევრიანების შესახებ საქართველოს მთავრობის 2021-2025 წლების კომუნიკაციის სტრატეგიის სისტემის ტრენინგები გამართა.
სასწავლო კურსის მონაწილეები დეტალურად გაეცნენ ელექტრონულ სისტემას, რომელიც საჯარო მოხელეებს აძლევს საშუალებას, განახორციელონ აქტივობები საქართველოს ევროკავშირსა და ნატოში გაწევრიანების კომუნიკაციის სტრატეგიით განსაზღვრული ამოცანებისა და მიზნების მისაღწევად.
სასწავლო პროგრამაში მონაწილეობდა ყველა იმ უწყების წარმომადგენელი, რომელიც საკუთარი კომპეტენციის ფარგლებში ჩართულია ამ პროექტის განხორციელებაში. მონაწილეები თეორიული ცოდნის გარდა, გაეცნენ სისტემაში პრაქტიკულ მუშაობას.
სასწავლო კურსი საგარეო საქმეთა სამინისტროსა და საქართველო-ევროკავშირის ასოცირების შეთანხმების განხორციელების ხელშემწყობი ევროკავშირის პროექტის (AA/DCFTA Facility) ორგანიზებით იუსტიციის სასწავლო ცენტრში ჩატარდა.