სიახლეები
კონფერენციის ფარგლებში, მონაწილეებმა ინოვაციური იდეები განიხილეს და წამყვანი ექსპერტებისგან ციფრული მმართველობის ეფექტიანი განვითარების შესახებ რეკომენდაციები მიიღეს.
ციფრული მმართველობის სააგენტომ კონფერენციაზე წარადგინა საქართველოს ციფრული მმართველობის სტრატეგია, რომელიც OECD/SIGMA-ს “საჯარო მმართველობის პრინციპებთან” არის შესაბამისობაში; სააგენტოს წარმომადგენელმა ისაუბრა my.gov.ge-ს მობილური აპლიკაციასა და კიბერუსაფრთხოების 2024-2028 წლების ცნობიერების ამაღლების სტრატეგიაზე, რომლის ფარგლებში უკვე განხორციელდა საინფორმაციო კამპანიის სამი ეტაპი.
ინფორმაციული უსაფრთხოების შიდა აუდიტორის სასწავლო კურსი კრიტიკული ინფორმაციული სისტემის სუბიექტების წარმომადგენლებისთვის ჩატარდა.
კურსის ფარგლებში მონაწილეებმა მიიღეს ინფორმაცია უსაფრთხოების მართვის სისტემის აუდიტის, მისი სამუშაო პროცესის, ამოცანებისა და მოვალეობების, აუდიტის პროგრამის, დაგეგმვა-ჩატარებისა და შეუსაბამობების აღმოჩენა-ანგარიშგების შესახებ.
ციფრული მმართველობის სააგენტოს თანამშრომლებმა კარტინგის შეჯიბრში გაიმარჯვეს.
პროგრამისტებმა ნიკა ბაქრაძემ და ლევან გოგიჩაიშვილმა პირველი და მეორე ადგილები გაინაწილეს. მესამე ადგილზე კი საჯარო რეესტრის თანამაშრომელი გავიდა.
შეჯიბრი იუსტიციის სამინისტროს სისტემის ფარგლებში გაიმართა. მასში სამინისტროსა და სსიპ-ების თანამშრომლები მონაწილეობდნენ.
საქართველოში ლატვიის რესპუბლიკის საგანგებო და სრულუფლებიან ელჩმა, ედიტე მედნესმა და ციფრული მმართველობის სააგენტოს თავმჯდომარემ, დავით ნადირაშვილმა ციფრული ტრანსფორმაციისა და კიბერუსაფრთხოების მიმართულებებით თანამედროვე საერთაშორისო პრაქტიკები განიხილეს. ისაუბრეს იმ საერთო გამოწვევებზე, რომელიც კავკასიისა და ბალტიისპირეთის რეგიონებს აქვთ.
შეხვედრის მონაწილეებმა ევროკავშირის განახლებული ციფრული იდენტობისა და სანდო მომსახურებების მარეგულირებელი საკანონმდებლო ცვლილებები განიხილეს; იმსჯელეს პროექტის ფარგლებში მომზადებული რეკომენდაციების შესახებ, რომელიც მიზნად ისახავს საქართველოს კანონის ჰარმონიზაციას ევროკავშირის eIDAS რეგულაციასთან.
შეხვედრაზე მონაწილე ქვეყნებში ელექტრონული სერვისების მიწოდებასთან დაკავშირებით არსებული მდგომარეობა, გამოწვევები და პრობლემის გადაჭრის გზებზე იმსჯელეს. განიხილეს ელექტრონული სერვისების ათვისების სხვადასხვა ფაქტორები: სერვისის დიზაინი, მომხმარებელთა აღქმები და ქცევის შიდა და გარე ფაქტორები, ნდობა და სხვა, რაც გავლენას ახდენენ ადამიანებზე გადაწყვეტილების მიღების პროცესში.