სიახლეები

10.07.2023
ციფრული მმართველობის სააგენტომ ორი ახალი პროექტი წარადგინა

სსიპ ციფრული მმართველობის სააგენტო my.gov.ge-ს მობილურ აპლიკაციასა და IT პროექტების მართვის სახელმძღვანელო დოკუმენტზე მუშაობს. IT პროექტების მართვის ერთიანი სახელმძღვანელო დოკუმენტი ინფორმაციულ-ტექნოლოგიური პროექტების დანერგვის და მიწოდების ერთიან სტანდარტს შექმნის. მსგავსი რეგულაცია ქვეყანაში პირველად შეიქმნება და ის IT პროექტების მოთხოვნისა და მიწოდების სფეროს მოაწესრიგებს. 

05.07.2023
ევროპის ინტერნეტ მმართველობის ფორუმზე თანამედროვე ტექნოლოგიები განიხილეს

ციფრული მმართველობის სააგენტოს წარმომადგენლებმა ევროპის ინტერნეტ მმართველობის ფორუმზე - EuroDIG 2023, განიხილეს თანამედროვე ციფრული განვითარება და ციფრული სამყაროს ინკლუზიურობა. საუბარი შეეხო ევროკავშირის სტანდარტებს ციფრული მმართველობისა და კიბერ უსაფრთხოების მიმართულებით, ხაზი გაესვა უკრაინის კონფლიქტის შედეგად წარმოქმნილ კიბერ გარემოსა და თანამედროვე საფრთხეებს. 

03.07.2023
ესტონეთის ელჩი ციფრული მმართველობის სააგენტოს სტრუქტურასა და ფუნქციებს გაეცნო

ციფრული მმართველობის სააგენტოს თავმჯდომარემ, დავით ნადირაშვილმა, ესტონეთის ელჩთან სამუშაო შეხვედრაზე კიბერუსაფრთხოების ეროვნული სტრატეგიის იმპლემენტაციასა და კიბერსაფრთხეების შესახებ საზოგადოების  ცნობიერების ამაღლების მიმართულებით განხორციელებულ აქტივობებზე ისაუბრა. ესტონეთის ელჩი გაეცნო საქართველოს ციფრული მმართველობის სტრატეგიას და სსიპ ციფრული მართველობის სააგენტოს მიერ დაფუძნებულ საჯარო-კერძო თანამშრომლობის პლატფორმას. 

26.06.2023
ციფრული ტრანსფორმაციის წარმატებული პროექტები საერთაშორისო კონფერენციაზე განიხილეს

აღმოსავლეთ პარტნიორობის პანელურ დისკუსიაზე ქართულმა დელეგაციამ ციფრული მმართველობის ტრანსფორმაციის პროცესში საჭირო სტრატეგიულ გადაწყვეტილებებსა და გამოწვევებზე ისაუბრა. ციფრული მმართველობის სააგენტოს წარმომადგენელმა ხაზი გაუსვა იმ ცვლილებებს და პროექტებს, რომელიც ციფრული ტრანსფორმაციის მიმართულებით საქართველოში ხორციელდება.

15.06.2023
კიბერშესაძლებლობების განვითარებაზე საერთაშორისო კონფერენციაზე იმსჯელეს

კიბერ-კონფლიქტის საერთაშორისო კონფერენციაზე კიბერუსაფრთხოების პრევენციისა და თანამედროვე კიბერსაფრთხეების წინააღმდეგ ბრძოლის საკითხები განიხილეს. სსიპ ციფრული მმართველობის სააგენტოს დელეგაციის ჩართულობით, კონფერენციაზე ისაუბრეს ისეთ საკითხებზე, როგორიცაა: ხელოვნური ინტელექტი და კიბერუსაფრთხოება; შეიარაღებული კონფლიქტები და სამხედრო კიბერთავდაცვა; ევროკავშირისა და ნატოს კიბერპოლიტიკა.

02.06.2023
ციფრული მმართველობის სააგენტომ ინფორმაციული უსაფრთხოების ტრენინგები ჩაატარა

სსიპ ციფრული მმართველობის სააგენტოს ინფორმაციული უსაფრთხოების დეპარტამენტის მიერ ინფორმაციული უსაფრთხოების საფუძვლების ხუთდღიანი ტრენინგი პირველი და მეორე კატეგორიის კრიტიკული ინფორმაციის სუბიექტების წარმომადგენლებისთვის ჩატარდა.