ციფრული მმართველობის სააგენტომ პირველი და მესამე კატეგორიის კრიტიკული ინფორმაციული სისტემის სუბიექტების თანამშრომლებისთვის ინფორმაციული უსაფრთხოების შიდა აუდიტორის ტრენინგი ჩაატარა. ‘’ინფორმაციული უსაფრთხოების შიდა აუდიტორის’’ ტრენინგი მოიცავს ინფორმაციული უსაფრთხოების მართვის სისტემის აუდიტს, მის პროცესებსა და ამოცანებს, დაგეგმვასა და ჩატარებას, შეუსაბამობების აღმოჩენასა და ანგარიშსწორებას და სხვა საკითხებს.ტრენინგზე მიღებული ცოდნა მონაწილეებს საკანონმდებლო მოთხოვნების აღსრულების პროცესში დაეხმარება. ისინი ინფორმაციული უსაფრთხოების მართვის სისტემის შიდა აუდიტის განხორციელებას შეძლებენ.სასწავლო კურსის მიზანია ,,საქართველოს ინფორმაციული უსაფრთხოების შესახებ’’ კანონისა და კანონქვემდებარე აქტების მოთხოვნების აღსრულების ხელშეწყობა. ასევე, კრიტიკული ინფორმაციული სისტემის სუბიექტებისთვის ინფორმაციული უსაფრთხოების მართვის სისტემის შიდა აუდიტორების მომზადება/გადამზადება.

სახელმწიფო სერვისების კატალოგის შექმნის მიზნით სერვისების გამცემ უწყებებთან სამუშაო შეხვედრა გაიმართა.სამუშაო შეხვედრა, პირველ ეტაპზე, საქართველოს იუსტიციის სამინისტროს სისტემის ფარგლებში ჩატარდა, სადაც სახელმწიფო სერვისების კატალოგის შექმნის მიზნით შემუშავებული “სახელმწიფო სერვისების აღწერის ერთიანი ჩარჩო” და მასზე დაფუძნებული კითხვარებიგანიხილეს. სერვისების კატალოგის შემადგენელი კომპონენტებიინფორმაციის ერთიანი სახელმწიფო რეესტრის პორტალზე - roi.gov.ge განთავსდა.სერვისების გამცემი ყველა საჯარო უწყების მიერ კითხვარების შევსების შემდგომ, ქვეყანას სახელმწიფო სერვისების ერთიანი და მუდმივად განახლებადი კატალოგი ექნება. რეესტრი გაამარტივებს და მოაწესრიგებს სერვისების შექმნის, გაცემის და მიღების პროცესს.სახელმწიფო სერვისების კატალოგი წარმოადგენს კრიტიკულად მნიშვნელოვან ინსტრუმენტს, რომელიც აერთიანებს და სისტემატიზებულს ხდის ყველა იმ სერვისს, რომელსაც მოქალაქეებს, ბიზნესსა და სხვა დაინტერესებულ მხარეებს სახელმწიფო სთავაზობს.სახელმწიფო სერვისების კატალოგის შექმნა განსაზღვრულია არაერთი პოლიტიკის დოკუმენტით, მათ შორის, საჯარო მმართველობის რეფორმის 2023-2026 წლების სტრატეგიით. კატალოგის შექმნაზე სსიპ ციფრული მმართველობის სააგენტოსთან ერთად სსიპ სახელმწიფო სერვისების განვითარების სააგენტოა პასუხისმგებელი.

ციფრული მმართველობის სააგენტოს წარმომადგენელმა უნგრეთში, ქალაქ ბუდაპეშტში გამართულ სამუშაო შეხვედრაზე დიგიტალიზაციის სფეროში ქართულ გამოცდილებაზე ისაუბრა.სააგენტოს საერთაშორისო ურთიერთობების სამსახურის უფროსმა, შალვა ლაზარიაშვილმა სამუშაო შეხვედრის მონაწილეებს ციფრული მმართველობის სააგენტოს მისია და ფუნქციები გააცნო. ასევე, ისაუბრა ხელოვნური ინტელექტისა და ციფრული განვითარების როლზე, ციფრულ სფეროში ერთიანი სტანდარტების დანერგვის აუცილებლობასა და უწყებათაშორისი მონაცემების სისტემათა თავსებადობის მნიშვნელობაზე.შეხვედრის მონაწილეებმა უნგრეთის ტექნოლოგიური სისტემების, პროგრამული უზრუნველყოფისა და სხვადასხვა წარმატებული პრაქტიკული მაგალითების შესახებ ინფორმაცია მოისმინეს და მათი საკუთარ ქვეყენაში ინტეგრირების შესაძლებლობებზე იმსჯელეს.სამუშაო შეხვედრა საქართველოსა და უნგრეთის იუსტიციის სამინისტროების მიერ ხელმოწერილი თანამშრომლობის შესახებ მემორანდუმის ფარგლებში გაიმართა. დაიგეგმა, რომ მორიგი შეხვედრა საქართველოში ჩატარდება. ღონისძიებას საქართველოდან ასევე ესწრებოდნენ სსიპ საკანონმდებლო მაცნეს“ და სსიპ ,,საჯარო რეესტრის ეროვნული სააგენტოს“ წარმომადგენლები.