ჩვენ ვავითარებთ
სახელმწიფო ელექტრონული სერვისების მიწოდება ქვეყნის მასშტაბით; ციფრული მმართველობის მხარდაჭერა და განვითარება; ინფორმაციული და კიბერუსაფრთხოება
21.10.2024
ციფრული მმართველობის სააგენტომ MY.GOV.GE -ს შესახებ მიმდინარე საინფორმაციო კამპანია შეაჯამა
ციფრული მმართველობის სააგენტომ ელექტრონული სერვისების ერთიანი პორტალის - MY.GOV.GE-ს შესახებ საზოგადოებაში ცნობადობის ამაღლების მიზნით მიმდინარე საინფორმაციო კამპანია შეაჯამა. ღონისძიებაზე გაიმართა სოციოლოგიური კვლევის შედეგების პრეზენტაცია, რომლის მიზანსაც ელექტრონული სერვისების შესახებ ცნობიერების დონის დადგენა და მათი ხელმისაწვდომობის კუთხით არსებული დაბრკოლებების განსაზღვრა წარმოადგენდა.განიხილეს ვებგვერდის სამართლებრივი რეგულირების ფარგლებში მომზადებული მნიშვნელოვანი დოკუმენტაცია, რომელიც ნორმატიულ და კანონქვემდებარე აქტებში განსახორციელებელ ცვლილებებს მოიცავს. ღონისძიებაზე მოწვეული სტუმრები MY.GOV.GE-ს საკომუნიკაციო სტრატეგიასა და სამოქმედო გეგმას და პორტალი ცნობადობის შესახებ მიმდინარე საინფორმაციო კამპანიის მიზნებსა და შედეგებსაც გაეცნენ. კამპანია მთელი საქართველოს მასშტაბით მიმდინარეობს, მათ შორის, სოციალური არხების, მედია საშუალებებისა და საინფორმაციო ბანერების მეშვეობით.პროექტის ფარგლებში სოციოლოგიური კვლევა კომპანია “ეისითიმ” ჩაატარა, MY.GOV.GE-ს საკომუნიკაციო სტრატეგია კი კომპანია ,,ჯეპრამ” მოამზადა.პროექტი გერმანიის მთავრობის ფინანსური დახმარებით და გერმანიის საერთაშორისო თანამშრომლობის საზოგადოების (GIZ ) მხარდაჭერით საქართველოს იუსტიციის სამინისტროს სსიპ ციფრული მმართველობის სააგენტოს მიერ საგრანტო პროექტის ფარგლებში განხორციელდა. პროექტის მიზანი სახელმწიფო სერვისების ერთიანი პორტალის - MY.GOV.GE -ს ცნობადობის გაზრდა და მომხმარებელთა რაოდენობის მნიშვნელოვნად მატება გახლდათ.
გაიგე მეტი
02.10.2024
ევროპის საბჭოს ხელოვნური ინტელექტის კომიტეტის ბიუროს წევრად დიმიტრი გუგუნავა აირჩიეს
ევროპის საბჭოს ხელოვნური ინტელექტის კომიტეტის (CAI) ბიუროს წევრად ციფრული მმართველობის სააგენტოს წარმომადგენელი აირჩიეს.მმართველი ბიუროს წევრი ციფრული მმართველობის სააგენტოს კიბერუსაფრთხოებისა და ციფრული მმართველობის სტრატეგიული დაგეგმვისა და ანალიტიკური სამსახურის უფროსი, დიმიტრი გუგუნავა გახდა. ცხრაწევრიანი ბიუროს ფუნქცია კომიტეტის საქმიანობის ეფექტიანობის ხელშეწყობაა და მას ირჩევს კომიტეტი, რომელიც 46 ქვეყნის წარმომადგენლებისგან შედგება. კომიტეტმა რიგით მე-11 პლენარული სამდღიანი სამუშაო შეხვედრა გამართა, რომელიც ემსახურებოდა "ადამიანების უფლებების, დემოკრატიისა და სამართლის უზენაესობის პერსპექტივიდან ხელოვნური ინტელექტის სისტემებთან დაკავშირებული რისკებისა და აღნიშნული სისტემების ზეგავლენის შეფასების მეთოდოლოგიის დოკუმენტის" შემუშავებას. აღნიშნული კომიტეტის მიერ მომზადებულ კონვენციას ხელოვნური ინტელექტის თაობაზე საქართველოს იუსტიციის მინისტრმა მიმდინარე წლის 5 სექტემბერს ვილნიუსში გამართულ ევროსაბჭოს იუსტიციის მინისტრების კონფერენციაზე მოაწერა ხელი. ეს არის პირველი საერთაშორისო და სავალდებულო დოკუმენტი, რომელიც მიზნად ისახავს ხელოვნური ინტელექტის სისტემების გამოყენებასა და ადამიანის უფლებების დაცვას შორის ბალანსის უზრუნველყოფას.ევროპის საბჭოს ხელოვნური ინტელექტის კომიტეტის მიზანია ხელოვნური ინტელექტის სისტემების შემუშავების, განვითარებისა და გამოყენების შესახებ სამართლებრივი ინსტრუმენტის მომზადება.
გაიგე მეტი
17.09.2024
2024 წლის კიბერუსაფრთხოების გლობალურ ინდექსში საქართველო კვლავ მოწინავე პოზიციაზეა
საერთაშორისო სატელეკომუნიკაციო კავშირმა (ITU) კიბერუსაფრთხოების 2024 წლის ანგარიში გამოაქვეყნა (GCI). საქართველო 91,92 ქულით მეორე ქვეჯგუფში მოხვდა, სადაც ირიცხებიან ისეთი ქვეყნები, როგორიცაა: ავსტრია, კანადა, ირლანდია, ისრაელი, ლიეტუვა და სხვები.შეფასება ხორციელდება ხუთ ჭრილში და თითოეული ფასდება მაქსიმუმ 20 ქულით. საქართველომ მაქსიმალური ქულები მიიღო სამართლებრივ, ტექნიკურ და თანამშრომლობის ნაწილში, ხოლო 16,35 ქულა დაიმსახურა ორგანიზაციულ და შესაძლებლობათა განვითარების ნაწილში.წინა წლებისაგან განსხვავებით, ორგანიზაციამ ინდექსის გამოთვლის მეთოდოლოგია შეცვალა. ახალი მეთოდოლოგია ნაცვლად ქვეყნების რეიტინგებისა, გვთავაზობს ქვეყნების დონეებად (Tiers) დაყოფას. სულ ხუთი დონეა (T1 – Role modelling; T2 – Advancing; T3 – Establishing; T4 – Evolving; T5 – Building). საქართველო, განხორციელებული რეფორმებით, მეორე დონეზე მოხვდა.მიმდინარე წელს, საქართველო კიბერუსაფრთხოების ეროვნულ ინდექსშიც დაწინაურდა. მსოფლიო მასშტაბით 44-დან 22-ე ადგილზე, ხოლო ევროპაში 33-დან მე-16 პოზიციაზე გადავიდა.
გაიგე მეტი
სიახლეების გამოწერა