მომსახურების აღწერა და საფასური
„საჯარო სამართლის იურიდიული პირის − ციფრული მმართველობის სააგენტოს შესახებ“ საქართველოს კანონის (შემდგომში – სააგენტოს შესახებ კანონი) მე-6 მუხლის პირველი პუნქტის „ყ“ ქვეპუნქტის შესაბამისად, საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს – ციფრული მმართველობის სააგენტოს (შემდგომში – სააგენტო) მინიჭებული აქვს უფლებამოსილება, საკუთარი ფუნქციებისა და ამოცანების შესასრულებლად, ციფრული მმართველობის ან/და ელექტრონული მომსახურების შექმნის/მიწოდების გაუმჯობესების მიზნით, განახორციელოს ელექტრონული საკომუნიკაციო ქსელებითა და საშუალებებით უზრუნველყოფა ან/და ელექტრონული საკომუნიკაციო მომსახურების მიწოდება „ელექტრონული კომუნიკაციების შესახებ“ საქართველოს კანონისა და მის საფუძველზე გამოცემული კანონქვემდებარე აქტების შესაბამისად.
საქართველოს მთავრობის 2020 წლის 13 ივლისის №438 დადგენილებით დამტკიცებული „საჯარო სამართლის იურიდიული პირის − ციფრული მმართველობის სააგენტოს მიერ მომსახურების გაწევის საფასურების განაკვეთები, საფასურების გადახდის, მათი გადახდისგან გათავისუფლებისა და გადახდილი საფასურების დაბრუნების წესის“ (შემდგომში – №438 დადგენილება) მე-3 მუხლის მე-2 პუნქტით გათვალისწინებული ცხრილის 28-ე გრაფის მიხედვით, სააგენტოს ახორციელებს ინტერნეტის მიწოდებასთან დაკავშირებულ მომსახურებას, რომლის მაქსიმალური საფასურიც არის: 1 მბ/წმ (გლობალური ინტერნეტი) თვეში – 30 ლარი დღგ-ის ჩათვლით.
სააგენტოს შესახებ კანონის მე-6 მუხლის მე-2 პუნქტის, აგრეთვე №438 დადგენილების პირველი მუხლის მე-3 პუნქტისა და მე-3 მუხლის მე-2 პუნქტის შესაბამისად, სააგენტოს მიერ გასაწევი მომსახურების პირობები, მათ შორის, შესყიდვის ობიექტი და მისი დეტალური აღწერა, ხელშეკრულების ღირებულება (რომელიც მხარეთა შეთანხმებით შეიძლება შემცირდეს), ანგარიშსწორების დეტალური პირობები, მომსახურების მიღება-ჩაბარების წესი, ხელშეკრულების შესრულებისა და მოქმედების ვადები, აგრეთვე მხარეთა სახელშეკრულებო ურთიერთობასთან დაკავშირებული სხვა პირობები განისაზღვრება ინდივიდუალურად, შემსყიდველსა და სააგენტოს შორის დადებული ხელშეკრულების საფუძველზე.
№438 დადგენილების მე-5 მუხლის პირველი პუნქტის თანახმად, საფასურის გადახდა ხორციელდება შესაბამისი მომსახურების გაწევამდე. გადახდილი საფასური სრულად ბრუნდება:
- თუ დაინტერესებულმა პირმა მომსახურების მიღების თაობაზე მომსახურების გაწევის დაწყებამდე მოითხოვა გადახდილი თანხის დაბრუნება;
- თუ საფასური გადახდილია ამ წესით განსაზღვრულ განაკვეთზე მეტი ოდენობით. ამ შემთხვევაში, ბრუნდება სხვაობა გადახდილ თანხასა და ამ წესით განსაზღვრულ განაკვეთს შორის;
- საქართველოს კანონმდებლობით გათვალისწინებულ სხვა შემთხვევებში.
საფასური ბრუნდება დაინტერესებული პირის წერილობითი მოთხოვნიდან 10 სამუშაო დღის ვადაში. მოთხოვნა უნდა შეიცავდეს გადახდილი საფასურის ნაწილობრივ ან სრულად დაბრუნების კანონიერი საფუძვლის არსებობის დასაბუთებას. მოთხოვნა წარდგენილ უნდა იქნეს საფასურის გადახდიდან 3 თვის ვადაში.
როგორც წესი, სააგენტო დამოუკიდებლად არ წევს ინტერნეტის მიწოდებასთან დაკავშირებულ მომსახურებას და იგი ციფრული მმართველობის ან/და ელექტრონული მომსახურების შექმნის/მიწოდების მომსახურების დამხმარე კომპონენტია (მაგალითად, როდესაც სააგენტო შემსყიდველს უწევს ინფორმაციული ტექნოლოგიების (IT) ინფრასტრუქტურის ადმინისტრირებისა და ადგილზე მომხმარებლის მხარდაჭერის მომსახურებას, შემსყიდველის მოთხოვნის შემთხვევაში იგი შეიძლება მოიცავდეს ინტერნეტის მიწოდებასთან დაკავშირებულ მომსახურებასაც).
ინფორმაცია შემსყიდველის უფლებებისა და ვალდებულებების შესახებ
- შემსყიდველისა და მიმწოდებლის უფლება-მოვალეობები განისაზღვრება მათ შორის ინდივიდუალურად დადებული ხელშეკრულებით;
- ინფორმაცია იმ ღონისძიებების შესახებ, რომლებსაც სააგენტო მიმართავს შემსყიდველის მიერ მომსახურებით სარგებლობის წესების დარღვევის შემთხვევაში;
- ხელშეკრულების პირობებისთვის დარღვევისთვის პირგასამტეხლო, აგრეთვე ხელშეკრულების შეწყვეტის წესი განისაზღვრება შემსყიდველსა და სააგენტოს შორის ინდივიდუალურად დადებული ხელშეკრულებით;
- ინფორმაცია მომსახურების მიწოდების შეზღუდვისა და შეწყვეტის მიზეზებისა და ხანგრძლივობის თაობაზე;
- დაგეგმილი და გადაუდებელი ტექნიკურ სამუშაოების ჩატარებისა და ინფორმირების წესი განისაზღვრება შემსყიდველსა და სააგენტოს შორის ინდივიდუალურად დადებული ხელშეკრულებით.
პრეტენზიის წარდგენისა და დავის გადაწყვეტის პროცედურა
- ინციდენტის არსებობის შემთხვევაში ინფომრაცია უნდა დაფიქსირდეს ელექტრონული ფოსტის მისამართზე support@cloud.gov.ge, ტექნიკური მხარდაჭერის სატელეფონო ცენტრის ნომერზე 2 40 58 18 ან ტექნიკური მხარდაჭერის პორტალზე support.cloud.gov.ge.
- მომსახურების ხარისხთან დაკავშირებული პრეტენზიის არსებობის შემთხვევაში შემსყიდველს შეუძლია მიმართოს ინფორმაციული ტექნოლოგიების პროექტების მართვისა და ხარისხის კონტროლის დეპარტამენტს ელექტრონული ფოსტის მისამართზე (მობ.: 591 03 48 58; ელ. ფოსტა: bchokheli@dga.gov.ge).
- შემსყიდველსა და სააგენტოს შორის მომსახურების გაწევის შესახებ ხელშეკრულებიდან გამომდინარე და ხელშეკრულებასთან დაკავშირებულ ნებისმიერ დავას განიხილავენ საქართველოს საერთო სასამართლოები საქართველოს საპროცესო კანონმდებლობით დადგენილი წესით.
- შემსყიდველს უფლება აქვს, პრეტენზიის არსებობის შემთხვევაში მიმართოს აგრეთვე მომხმარებელთა ინტერესების საზოგადოებრივი დამცველის სამსახურს:
ვებსაიტი: https://momkhmarebeli.comcom.ge
ელ. ფოსტა: defender@comcom.ge
მის.: თბილისი 0144, ქეთევან წამებულის გამზ./ბოჭორმის ქ. №50/18
ტელ.: +995 32 2399505
სააგენტოს რეკვიზიტები და საკონტაქტო ინფორმაცია
სსიპ – ციფრული მმართველობის სააგენტო
ს/ნ: 204598337
მის.: ქ. თბილისი 0114, ვახტანგ გორგასლის 22
ელ. ფოსტა: info@dga.gov.ge
ტელ.: 032 294 41 20 (4010)
სამართლებრივი აქტები
სააგენტოს საქმიანობასთან დაკავშირებული სამართლებრივი აქტები ხელმისაწვდომია აღნიშნულ ბმულზე.