სიახლეები

ევროკავშირის დაძმობილების პროექტის - ,,კიბერუსაფრთხოების შესაძლებლობების განვითარება საქართველოში“, შემაჯამებელი კონფერენცია გაიმართა. პროექტის დახურვის ღონისძიებას მთავარი ბენეფიციარი, სსიპ ციფრული მმართველობის სააგენტო და კიბერუსაფრთხოების სფეროში სხვადასხვა მანდატის მქონე სახელმწიფო უწყებები დაესწრნენ. მათ პროექტის განხორციელების შედეგად საქართველოს კიბერუსაფრთხოების განვითარების მიმართულებით მიღწეულ შედეგებზე ისაუბრეს. 

საქართველოს კიბერუსაფრთხოების ეროვნული სადამფუძნებლო კონფერენცია დღეს იუსტიციის მინისტრის მოადგილე ერეკლე ღვინიანიძემ გახსნა და სტუმრებს მისასალმებელი სიტყვით მიმართა. ერეკლე ღვინიანიძის განცხადებით, ,,კიბერუსაფრთხოების სფეროში თანამშრომლობის მექანიზმების განვითარება და საჯარო-კერძო პარტნიორობის ინსტიტუციონალიზაცია საქართველოს კიბერუსაფრთხოების 2021-2024 წლების ეროვნული სტრატეგიით განსაზღვრული ერთ-ერთი პრიორიტეტია“.

გაერთიანებული სამეფოს სახელმწიფო მდივანი ჯეიმს ქლევერლი საქართველოში ოფიციალური ვიზიტის ფარგლებში ციფრული მმართველობის სააგენტოს ეწვია. 
მაღალი რანგის სტუმარი ადგილზე გაეცნო კომპიუტერულ ინციდენტებზე დახმარების ჯგუფის საქმიანობის სპეციფიკას და ინფორმაციული ტექნოლოგიების ინფრასტრუქტურის მონიტორინგის სისტემებს. 

ციფრული მმართველობის სააგენტოს წარმომადგენლებმა ინფორმაციული და კიბერუსაფრთხოების მარეგულირებელი ჩარჩოს განვითარების საკითხებზე სამუშაო შეხვედრაზე იმსჯელეს. 
ციფრული მმართველობის სააგენტოს თანამშრომლებმა მიიღეს ინფორმაცია ევროკავშირის ქსელებისა და ინფორმაციული სისტემების - NIS (Network and Information Systems)  და NIS 2 დირექტივების შესახებ. ავსტრიიდან და ლიეტუვიდან მოწვეულმა სფეროს ექსპერტებმა დირექტივების  განხილვის პარალელურად, შეხვედრის მონაწილეებს გაუზიარეს ევროკავშირის წევრი სახელმწიფოების გამოცდილება აღნიშნული დირექტივების ეროვნულ კანონმდებლობაში იმპლემენტაციის პროცესთან დაკავშირებით.

ციფრული მმართველობის სააგენტომ ესტონეთის დელეგაციას კიბერუსაფრთხოების მიმართულებით განხორციელებული აქტივობები და გეგმები გააცნო
ციფრული მმართველობის სააგენტოს ესტონეთის საგარეო საქმეთა სამინისტროს დელეგაცია სტუმრობდა. ვიზიტის ძირითად მიზანს ნატო-საქართველოს არსებითი პაკეტის (Substantial NATO-Georgia Package -SNGP) ფარგლებში კიბერუსაფრთხოების სფეროში თანამშრომლობის გაღრმავება, SNGP Cyber Initiative საკითხების განხილვა და დაგეგმილი ღონისძიებების გაცნობა წარმოადგენდა. 

ციფრული მმართველობის განვითარებისა და გაძლიერებისთვის განხორციელებული და დაგეგმილი პროექტების შესახებ პრეზენტაცია ქართულ-აზერბაიჯანული სამართლებრივი ფორუმის მონაწილეებისთვის გაიმართა. ციფრული მმართველობის სააგენტოს წარმომადგენლებმა ისაუბრეს უწყების მიერ შემუშავებულ პოლიტიკის დოკუმენტსა და დანერგილ ელექტრონულ სერვისებზე, ინფორმაციული და კიბერუსაფრთხოების მიმართულებით გატარებულ ღონისძიებებზე, საქართველოს ციფრული მმართველობის სტრატეგიის ძირითად ასპექტებსა და თანამედროვე ტექნოლოგიების განვითარება-გაძლიერების მიზნით კერძო-საჯარო პარტნიორობის შესახებ.